|
Mensahe : " IDOLATRIA "
Idolatria ta adoracion otorga na
diosnan diferente for di Jehova; pa medio di imagennan y practicanan
tuma di cultonan straño y
cu ta prohibi.
Idolatria no ta consisti unicamente
door di hinka rudia dilanti un imagen, sino tambe e adoracion usando
e imagennan na diosnan cu no ta e berdadero Dios.
Jehova Dios ta prohibi idolatria cu tur
forza.
Bo no mag tin otro dios Mi dilanti. No
traha ningun imagen graba pa bo mes, ni nada semehante na loke tin
ariba den cielo, ni abow riba tera, ni den e awa bow di tera. No
adora nan ni sirbi nan, pasobra Ami, Señor
bo Dios, ta un Dios jaloers, Kende ta bishita e iniquidad di e
tatanan riba e yiunan, riba e di tres y e di kuater generacion di
esnan cu ta odiaMi, ma Kende ta mustra misericordia na milnan, na
esnan cu ta stimaMi y ta warda Mi mandamentonan.
Exodo 20:3-6
E picá
den cual nos tin mas peliger
di cay relaciona cu e mandamento aki ta ora nos duna e gloria, honor,
e afecto y interes na cualkier otro criatura envez di duna Dios
esaki.
E
orguyo ta hasi di “ami” un dios; e avaricia ta hasi di e placa un
dios; e sensualidad ta hasi di e curpa humano un dios; cualquier cos
cu nos ta gusta of stima, tin temor di dje of nos ta sirbi, of nos ta
deleita den dje of kizas depende di dje, mas cu Dios, nos ta hasiendo
e cos ey un dios.
Ki probecho e idolo tin, ora esun cu a
trahe a caba di grabe, of un imagen, un siñado
di mentira? Pasobra esun cu trahe ta confia den loke e mes a crea ora
cu e ta traha idolonan cu no por papia. Ay di esun cu ta bisa na un
pida palo: Spierta! Na un piedra mudo: Lanta! Y esey ta bo siñado?
Mira, e ta cubri cu oro y plata, y no tin rosea mes den dje. Ma Señor
ta den Su tempel santo. Laga henter tera keda keto Su dilanto.
Habacuc
2:18-20
Nos
por wak den e versiculonan aki cu e idolonan ta totalmente inutil,
nan no ta sirbi di nada, pa ningun cos nan no ta util, nan ta un cos
morto sin bida.
Contrario
cu e diosnan falso aki cualnan ta cubri cu oro y plata pero morto,
nos ta hanja e Dios bibo y berdadero cu ta wak y controla tur cos. E
no ta scondi bow oro ni plata, ma E ta den su tempel santo den cielo,
dispuesto pa yuda y salba; dilanti djE tur homber y nacionnan, mester
keda keto, o sea spera pa E papia, y na djE tur hende tin cu somete
den silencio na su justo juicionan.
Caracteristicanan
di e idolonan
Nan
ta INSENSIBEL:
Nan
tin boca, ma nan no por papia; nan tin wowo, ma nan no por mira; nan
tin orea, ma nan no por tende; nan tin nanishi, ma nan no por hole;
nan tin man, ma nan no por fula; nan tin pia, ma nan no por cana; nan
no por saca zonido for di nan garganta.
Salmo
115:5-7
Nan
ta PERECE:
Esun
cu ta mucho pober pa trese un ofrenda asina ta scohe un palo cu no ta
putri; e ta busca un homber di ofishi cu ta experto pa traha un idolo
cu no ta kènter.
Isaias
40:20
Nan
ta INCAPAZ:
Boso
reuni y bin; boso, fugitivonan di e nacionnan, hala serca; esnan cu
ta cana rond cu nan idolonan di palo, y ta hasi oracion na un dios cu
no por salba, no tin conocemento.
Isaias
45:20
Nan
ta manera un spantaparha den cunucu di comcomber, y nan no por papia;
nan mester wordo carga, pasobra nan no por cana! No tene miedo di
nan, pasobra nan no por hasi ningun dañ, ni nan no por hasi nada
bon.
Jeremias
10:5
Nan
NO ta DIGNO DI ADORACION:
Siendo
anto desendencia di Dios, nos no mester pensa cu e Naturaleza Divino
ta manera oro of plata of piedra, un imagen formá door di arte y
imaginacion di hende.
Hechos
17:29
Ora
nan ta hasi sacrificio di adoracion na e idolonan, loke realmente nan
ta hasiendo ta un adoracion na e demonionan, pasobra tras di cada
idolo tin un demonio scondi.
Kiko
mi kiermen anto? Cu un cos sacrifica na idolo ta algo of cu un idolo
ta algo? No, ma ami ta bisa cu e cosnan cu e paganonan ta sacrifica,
nan ta sacrifica na demonio y no na Dios; y mi no kier pa boso tin
comunion cu demonio.
1
Corintios 10:19-20
Nan
a ofrece sacrificionan na demonionan, no na Dios, na diosnan cu nan
no a conoce, diosnan nobo cu a bin ultimamente, pa kendenan bo
tatanan no tabatin temor.
Deuteronomio
32:17
Nos
sirbishinan di adoracion mester ta dirigi pa e poder di fe, y no pa e
poder di imaginacion, pasobra Dios ta Spiritu infinito.
Dios
ta Spiritu, y esnan cu ta ador'E mester adora den spiritu y
berdad. Juan 4:24
Laga
nos ban adora y buig te na suela; laga nos hinka rudia dilanti di
Señor, Esun cu a traha nos.
Salmo
95:6
Hna.
M. Portela |
